Assam-Megh sima ari-o tom·tomaniko rakkichina Tynsong West Jaintia Hills Admin-ko ge·eta
Shillong, June 27: Assam baksa sima ari-ni kajia-golmalrang ong·anichi adita salrangna bol ge·anirangko dakengmitingo dontongatna nangahani gimin Deputy Chief Minister in-charge Home (Police) Prestone Tynsong, ua jolo tom·tomaniko rakkichina West Jaintia Hills-ni district administrationko ge·etaha.
Tynsong-ni aganani gitade, Meghalaya aro Assam-ni Kari Anglong Autonomous Council-ni (KAAC) kanggipa biapo bol ge·anirangko dakani a·selo kajia-golmalrang ong·aha, uandake Deputy Commissioner aro Superintendent of Police-ni re·bae niani ja·mano tom·tomatna man·aha.
Dolgnini tik ka·gimin gita je project ba kamrangna nangrimgijanio meligrike kam ka·gen ine chanchianiko Tynsong janape, tom·tomaniko rakkina nanga ine aganaha. Ia meligijanirangni bidingo agangrikanirangko dakangkuna ua Sukrobar salo Waheh Shnong-ko (Headmen) gronggen.
Police outpost-ko songani bidingo, sima ari-ni kajia-golmako namatchenggija uko dakaiode obostarang namaigen ine ong·ja ine Tynsong aganaha. Uandake, Assam aro Meghalaya sorkarirangna, sima ari-ni golmalko namatchenganian nangchongmotgipa kam ong·a ine ua aganaha.
Budbar salo, Lapangap aro uni wilwilao donggipa songoni sak 400-na bate manderang, dingtang dingtang dolrangni manderang baksa, Karbi Anglong Autonomous Council-ni (KAAC) bol ge·anirangko dakengani jegale, Meghalaya-ni a·ako ra·sekbaenga ine matnange bolniko nok te·sako pe·aha aro ge·gimin bol bipangrangko pikaha.
Na·simang ia video-koba nina man·gen:
Na·simang iakoba poraina man·gen: Tura-o International Day Against Drug Abuse-ko mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
