WGH-ni District Administration sima ari-o chel·chakaniko mangrakbatata
Tura, July 24: Assam-ni Paikan Reserve Forest-o a·rikgalaniko dakengani gimin, West Garo Hills-ni District Administration Vibhor Agarwal (IAS), Skotong Minister Conrad K Sangma-ni ge·etaniko man·e a·jaona niamgri napsrukbagipa ba songdongeaniko champengna sima ari-o chel·chakaniko mangrakbatataha.
Skotong Minister Conrad K Sangma, da·al salni bako West Garo Hills-ni Deputy Commissioner Vibhor Agarwal-ko man·chape sima ari jolo donggipa a·jarangni pilak Deputy Commissioner-rang baksa ong·enga obostarangni bidingo nipilaniko dakna nangchongmotgipa online tom·bimonganiko ong·atangaha. Ua pilak official-rangkon re·roroe nianiko bariatchina, name nirokaniko dakchina aro a·jani gadango apsan nangrime kamrangko ka·chinaba u·iatangaha.
District Administration niamgri napsrukbaaniko champengna, BDO-rang, jolni police dolrang, Village Council-ni Secretary-rang aro sima ari-o donggipa songni dilgiparang baksa rang·gitik tom·bimonganiko ong·atangaha. Salang walang a·jako name nirokaniko dakna gita Village Defence Parties (VDPs) aro Vigilance Committees-rangkoba donataha. Sima ari gita napbagipa rama ge·antion, naka checking aro garirangko dongdipate am·sandianirangkoba a·bachengataha. Chanchichipna kragipa je ong·a obostarangni bidingoba u·iataniko dakchina didianiko on·a awareness ba mikrakatanirangkoba on·angaha. Police dolrang, name nirokna man·gijagipa kenchakna nangbatgipa biaprang, mande sondonggijagipa biaprang aro buringraragipa sima ari -rangko salanti nirokeaniko dakenga.
Village Council-ni manderangko mikrake dongchina u·iatan baksana u·ina man·gijagipa manderangko sima ari gita namsrukbana ba sepangjolo songdongna jotton ka·ako nika ong·ode authority-rangna ta·raken u·iatchina ge·etaniko on·ataha ine DC Agarwal aganangaha. Da·o dipet, niamgri re·bae songdongeaniko nika ba knaa dongkujagenchimoba, District Administration a·jako naljoke rakkina gisik raken dongenga. Bebe gita saoba niamgri napsrukbagenchim ong·ode, uamang niamni gita sasti on·aniko ba Assam-ona watatpilako man·gen. Je obosta ong·genchimoba, ta·rake ja·ku de·aniko dakna man·a gita, Deputy Commissioner, Superintendent of Police aro jolni police dolrang apsan nangrime kamrangko ka·enga.
Na·simang iakoba nina man·gen:
Na·simang iakoba poraina man·gen: M’laya-o skigiparangna ong·atanggipa salbongani Workshop name matchota
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
